ارادہ کی قسم ”عزم“ پر مؤاخذہ کیوں؟

استفتاء

عرض یہ ہے کہ حدیث شریف ہے :مَنْ هَمَّ بِحَسَنَةٍ فَلَمْ يَعْمَلْهَا كُتِبَتْ لَهُ حَسَنَةً فَإِنْ عَمِلَهَا كُتِبَتْ لَهُ عَشْرَ حَسَنَاتٍ وَمَنْ هَمَّ بِسَيِّئَةٍ فَلَمْ يَعْمَلْهَا لَمْ تُكْتَبْ عَلَيْهِ فَإِنْ عَمِلَهَا كُتِبَتْ عَلَيْهِ سَيِّئَةً وَاحِدَةً. (مسند احمد: رقم الحدیث 10466)ترجمہ: جو شخص نیکی کا ارادہ کرے لیکن ابھی عملی طور پر اسے سر انجام نہ دیا ہو تو اس کے حق میں ایک نیکی لکھ دی جاتی ہے اور اگر اسے عملی طور پر سرانجام دیا ہو تو دس نیکیاں لکھی جاتی ہیں۔ اسی طرح اگر کسی نے گناہ کا ارادہ کیا ہو لیکن ابھی عملاً نہ کیا ہو تو اس کے حق میں کوئی گناہ نہیں لکھا جاتا لیکن اگر گناہ کا ارتکاب عملاً کر لے تو اس کے حق میں ایک گناہ لکھا جاتا ہے۔اس حدیث سے معلوم ہوتا ہے کہ گناہ کے ارادے سے گناہ نہیں لکھا جاتا جبکہ ”خطبات حکیم الاسلام“ (ج 1) میں ہے کہ فقہاء نے لکھا ہے کہ اگر کوئی شخص پانی پی رہا ہو اور اس پانی پر شراب کی نیت کی ہو تو یہ شخص گناہ گار ہو گا۔اسی طرح مشکوٰۃ شریف کی شرح ”مظاہر حق“ میں لکھا ہے کہ خیالات کی پانچ قسمیں ہیں۔ اس میں سے ہاجس، خاطر اور حدیث النفس پر مؤاخذہ نہیں البتہ ہَم اور عزم پر مؤاخذہ ہے۔تو بظاہر ہمارے فقہاء اور علماء کے یہ اقوال اس حدیث کے متعارض ہیں کیونکہ مذکورہ صورتوں میں جس ارادہ پر انہوں نے گناہ اور مؤاخذہ لکھا ہے وہ تو نیتیں ہی ہیں اور حدیث میں ہے کہ صرف ارادے سے گناہ نہیں لکھا جاتا !حضرت ! اشکال دور فرما کر ممنون ومشکور فرمائیں ۔ جزاکم اللہ

الجواب :بسم اللہ حامداًومصلیاً