غیر مسلم عورت کو گھر میں ملازمہ رکھنے کا حکم

استفتاء

ایک مسئلہ پوچھنا ہے کہ اہلِ کتاب میں سے کسی عورت کو اپنے گھر کام کے لئے رکھ سکتے ہیں جو صاف ستھری بھی ہو اور ہرکام کی ابتداء بسم اللہ سے کرتی ہو، اچھے کام پر ما شاء اللہ وغیرہ بھی کہتی ہو، الغرض اچھی عادات کی مالک ہو تو اسے ملازمت پر رکھنا کیسا ہے؟

الجواب :بسم اللہ حامداًومصلیاً

غیر مسلم خاتون کو امور خانہ داری کے لیے اجرت پر رکھنا جائز ہے لیکن خیال رہے کہ کام کاج کے دوران گھر کے مردوں سے خلوت نہ ہو اور یہ خاتون اپنے نظریات گھر کی خواتین اور بچوں پر مسلط نہ کرے۔ اس حوالے سے اس پر نظر رکھی جائے۔ ہاں! ملازمت کے دوران اس سے حسنِ سلوک سے پیش آنا چاہیے اور اسلام کی دعوت بھی ساتھ ساتھ دیتے رہنا چاہیے۔تا ہم مسلمان خاتون کی خدمات لینا زیادہ بہتر ہےواللہ اعلم بالصوابدارالافتاءمرکز اہل السنۃ والجماعۃ سرگودھا