قرآن کریم بھولنے کا خدشہ ہو تو کیا حافظہ خاتون تراویح باجماعت پڑھا سکتی ہے؟

استفتاء

اگر کسی حافظہ عورت کو قرآن کریم بھولنے کا اندیشہ ہو تو کیا وہ اپنے حفظ کی پختگی کے لیے رمضان المبارک میں تراویح کی امامت کرا سکتی ہے؟

الجواب :بسم اللہ حامداًومصلیاً

اگر کوئی عورت حافظہ ہو اور اس کے لئے تراویح میں سنائے بغیر قرآن ِ کریم یاد رکھنا مشکل ہو تو چونکہ قرآن پاک کو بھلادینا بڑا گناہ ہے اس لئے اس گناہ سے بچنے اور قرآن ِ کریم کو یاد رکھنے کی غرض سے عورت کے لئے بِلا تداعی ( بغیر اعلان کے ) صرف گھرکی خواتین کو با جماعت تراویح پڑھانے کی اس شرط کے ساتھ اجازت ہے کہ حافظہ عورت کی آواز گھر سے باہر نہ جائے اور تداعی سے پرہیز کیا جائے ۔تداعی کا مطلب یہ ہے کہ اس کے لئے باقاعدہ اہتمام کر کے خواتین کو نہ بلایا جائے بلکہ اقتداء کرنے والی خواتین صرف حافظہ کے گھر کی ہوں ، باہر سے آکر شریک نہ ہوں، اور اقتداء کرنے والی خواتین کی تعدادقرآن سنانے والی خاتون کے علاوہ دو یا تین سے زیادہ نہ ہو۔واللہ اعلم بالصوابدارالافتاءمرکز اہل السنۃ والجماعۃ سرگودھا