ریفوجی کیمپ میں پناہ گزین صاحبِ نصاب ہوتو قربانی واجب ہو گی یا نہیں؟

استفتاء

ایک مسئلہ مطلوب ہے کہ ریفوجی کیمپ میں رہنے والے مظلوم روہنگیا مسلمان اگر صاحب ِ نصاب ہو تو اس پر قربانی واجب ہوگی یا نہیں؟

الجواب :بسم اللہ حامداًومصلیاً

قربانی کے وجوب کےلیےصاحبِ نصاب ہونے کے ساتھ ساتھ مقیم ہونا(مسافر نہ ہونا) بھی ضروری ہے۔ لہٰذا ریفوجی کیمپ میں رہنے والا مسلمان اگر صاحبِ نصاب بھی ہو اورشرعی اعتبار سے مقیم بھی ہو تو اس پر قربانی واجب ہو گی۔ اگر وہ مسافر ہو تو صاحبِ نصاب ہونے کے باوجود اس پر قربانی واجب نہ ہو گی۔واللہ اعلم بالصوابدارالافتاءمرکز اہل السنۃ والجماعۃ سرگودھا