پاؤں کے آپریشن کی وجہ سے درد کا اندیشہ ہو تو روزہ رکھنے کا حکم

استفتاء

میری بیوی کے پاؤں کا آپریشن ہوا ہے اور اس میں راڈ ڈالا گیا ہے۔ کل ہمارے ہاں پاکستان میں روزہ ہے۔ میری بیوی کا کہنا ہے کہ میں روزہ تو رکھ سکتی ہوں لیکن جب درد ہوتا ہے تو گولی کھانی پڑتی ہے تب جا کر درد ختم ہوتا ہے۔ اب میرے لیے روزے کا کیا حکم ہے؟ رکھوں یا نہ رکھوں؟ جواب دے کر شکریہ کا موقع دیں!

الجواب :بسم اللہ حامداًومصلیاً

ہمت کر کے روزہ رکھ لینا چاہیے۔ اگر روزے کی حالت میں پاؤں میں درد محسوس ہو اور قابلِ برداشت ہو تو برداشت کر لینا چاہیے کیونکہ اس پر بھی اجر ملے گا۔ اگر درد ناقابلِ برداشت ہو تو گولی کھانے کے بجائے انجکشن لگوا لینا چاہیے کہ اس سے بھی درد ختم ہو جائے گا اور روزہ بھی نہیں ٹوٹے گا۔واللہ اعلم بالصوابدارالافتاءمرکز اہل السنۃ والجماعۃ سرگودھا