مسجد کا قالین نکالنا ممکن نہ ہو تو کیسے پاک کیا جائے؟

استفتاء

مسجد میں ایک بچے نے پیشاب کردیا صفوں کو نکالنا مشکل ہے اب صفوں کو پاک کرنے کا کیا طریقہ ہے ؟ جواب عنایت فرمائیں۔

الجواب :بسم اللہ حامداًومصلیاً

ایسی قالین جسے نکالنا بہت مشکل ہو اس کو پاک کرنے کی دو صورتیں ہیں۔پہلی صورت: کوئی موٹا کپڑا پانی میں بھگو کر قالین کے اس ناپاکی والے حصہ پر اچھی طرح رگڑا جائے پھر اس حصہ کو خشک کر لیا جائے، یہ عمل اچھی طرح تین بار کیا جائے تاکہ ناپاکی کے اثرات ختم ہو جائیں۔دوسری صورت : آج کل مارکیٹ میں ایسے کیمیکل دستیاب ہیں جو پیشاب وغیرہ کی بدبو اور اثرات کو ختم کر دیتے ہیں، ایسے کیمیکل کے ذریعے اس حصہ کو صاف کر لیا جائے۔ اس طرح قالین پاک ہو جائے گی۔واللہ اعلم بالصوابدارالافتاءمرکز اہل السنۃ والجماعۃ سرگودھا