خاتون میت کو غسل دینے سے متعلق ایک سوال کا جواب

استفتاء

جب خاتون میت کو غسل دیا جاتا ہے تو ان کے اوپر کپڑا ڈال کر اس کپڑے پر پانی بہایا جاتا ہے ، اس طرح میت کے جسم پر جو پانی بہتا ہے کپڑے کے اوپرسے، کیا وہ مستعمل نہیں کہلاتا؟یعنی اس طرح غسل ہو جائے گا ؟

الجواب :بسم اللہ حامداًومصلیاً

”مستعمل پانی“ کی تعریف یہ ہے:”ایسا پانی جس سے طہارت حاصل کرنے کی نیت سے وضو یا غسل کیا گیا ہو یا ثواب کی نیت سے بدن پر استعمال کیا گیا ہو (یعنی اس سے وضو پر وضو کیا گیا ہو) “۔ جو صورت آپ نے لکھی ہے اس سے پانی مستعمل نہیں بنتا ، اس لیے بِلا تردّد اس سے غسلِ میت درست ہے۔واللہ اعلم بالصوابدارالافتاءمرکز اہل السنۃ والجماعۃ سرگودھا