ایصال ثواب کی نیت سے دیے گئے قالین پر امیر، غریب سب کے لیے نماز پڑھنے کا حکم

استفتاء

ہماری مسجد میں نماز ادا کرنے کے لیے جو قالین بچھائی گئی ہیں وہ ایصالِ ثواب کی ہیں۔ امیر اور غریب دونوں کے لیے اس پر نماز ادا کرنے کا کیا حکم ہے ؟

الجواب :بسم اللہ حامداًومصلیاً

مساجد میں جو چیزیں دی جاتی ہیں وہ نفلی صدقہ ہوتی ہیں کیونکہ واجب صدقہ (زکوٰۃ، صدقۃالفطر، روزہ یا قسم توڑنے کا کفارہ، فدیہ وغیرہ) مسجد میں دینا جائز نہیں ہوتا۔ اس لیے مساجد میں موجود اشیاء امیر، غریب سب کے لیے استعمال کرنا جائز ہے۔ آپ کی مسجد کے امیر غریب سب لوگ اس قالین پر بلا جھجک نماز ادا کر سکتے ہیں۔واللہ اعلم بالصوابدارالافتاءمرکز اہل السنۃ والجماعۃ سرگودھا