چند افراد کا مل کر کسی ایک کی جانب سے قربانی کرنے کاحکم

استفتاء

کچھ لوگ جو صاحبِ نصاب نہیں لیکن مل کر ایک بکرا لیں اور اس کو کسی ایک کے نام قربانی دینا چاہیں تو کیا یہ درست ہے؟

الجواب :بسم اللہ حامداًومصلیاً

چند افراد اگر کسی ایک فرد کی طرف سے قربانی کرنا چاہیں تو کر سکتے ہیں لیکن طریقہ کار یہ ہو کہ جس شخص کی طرف سے قربانی کرنا چاہتے ہیں اپنے اپنے پیسے اس شخص کی ملکیت کریں اور وہ شخص قربانی کرے۔ اگر کسی مرحوم کی طرف سے کرنا چاہتے ہوں تو اپنے اپنے پیسے کسی ایک فرد کی ملکیت کریں اور وہ ایک فرد قربانی کرے اور جن کو ایصالِ ثواب کرنا ہو انہیں ایصال ثواب کر دے۔ جو ترتیب مناسب لگے اسی کے مطابق عمل کر لیا جائے۔واللہ اعلم بالصوابدارالافتاءمرکز اہل السنۃ والجماعۃ سرگودھا