کیبل کنکشن کا کاروبار کرنے کا حکم

استفتاء

ہمارا کاروبار کیبل کنکشن کاہے جس کے ذریعے سے ٹی وی پر نیوز کھیل اورفلموں کے باقی چینل آتے ہیں، لہٰذا آپ سے دریافت کرنا ہے کہ اس تجارت کا شرعاً کیا حکم ہے؟ اسی طرح انٹر نیٹ کنکشن کا شرعاً کیا حکم ہے؟

الجواب :بسم اللہ حامداًومصلیاً

انٹر نیٹ اور کیبل کا استعمال جائز کاموں میں بھی ہوتا ہے، لہٰذا ان کی سروس فراہم کرنے اور کنکشن دینے کا کاروبار کرنا جائز ہے۔ جو لوگ ان کا غلط استعمال کرتے ہیں وہ اپنے گناہ کے خود ذمہ دار ہوں گے۔واللہ اعلم بالصوابدارالافتاءمرکز اہل السنۃ والجماعۃ سرگودھا