بیوی کا اپنے شوہر کی طرف سے صدقہ فطر ادا کرنا

استفتاء

عرض یہ ہے کہ ایک شخص جس کی پوری فیملی عمان مسقط میں رہتی ہے اور وہ شخص انڈیا آیا ہوا ہے اس کی فیملی نے عمان میں اپنا اور اس شخص کی طرف سے جو انڈیا آیا ہوا ہے صدقہ فطر ادا کردیا کیا اس شخص کو انڈیا میں پھر سے صدقہ فطر واپس ادا کرنا پڑےگا یا نہیں ؟

الجواب :بسم اللہ حامداًومصلیاً

یہ شخص چونکہ انڈیا میں ہےاگر اس کی فیملی نے اس کی طرف سے صدقہ فطر ادا کر دیا ہے تو وہ ادا ہو گیا ہے ۔ہاں البتہ انڈیا میں مقیم شخص کا صدقہ فطر جو اس کی فیملی والوں نے عمان مسقط کے اعتبار سےادا کیا ہے وہ اگر انڈیا کےصدقہ فطر کی قیمت کےاعتبار سے کم ہو تو صرف کمی کو پورا کرے ۔پورا صدقہ فطر دوبارہ ادا کرنا ضروری نہیں ۔واللہ اعلم بالصوابدارالافتاءمرکز اہل السنۃ والجماعۃ سرگودھا