بغیر سود؛ دیے بینک یا کمپنی سے گاڑی کیسے لے سکتا ہوں؟

استفتاء

یہاں قسطوں پہ گاڑی لینا چاہ رہا تھا لیکن فائننس کمپنی والے جو شرائط لگاتے ہیں تو اس میں تاخیر سے قسط دینے پر جو فائن ہوتا ہے اس فائن سے کیسے بچا جائے یا ایسی صورت بتائی جائے جس سے ہم فائننس کمپنی سے قسطوں پہ گاڑی لے سکیں۔

الجواب :بسم اللہ حامداًومصلیاً

فائننس کمپنی سے گاڑی کی خریداری بغیر سود اس صورت میں لی جا سکتی ہے کہ قسط کی ادائیگی کی جو تاریخ متعین ہو اس سے تاخیر نہ کی جائے مقررہ تاریخ تک وہ قسط ضرور ادا کر دی جائے تاکہ تاخیر کی صورت میں سود کی ادائیگی لازم نہ آئے۔باقی اس صورت میں بھی ایگریمنٹ اور تجارتی معاہدہ کرتے وقت چونکہ سود کی شرط موجود ہوتی ہے اس لیے اس سودی معاہدہ کی وجہ سے توبہ استغفار لازم ہوگا ، ساتھ ساتھ توبہ و استغفار بھی کرتے رہیں اور بروقت اَقساط ادا کرتے رہیں تو یہ طریقہ بوقتِ ضرورت اختیار کر سکتے ہیں۔واللہ اعلم بالصوابدارالافتاءمرکز اہل السنۃ والجماعۃ سرگودھا