کرائے کے مکان میں اشیاء کے ٹوٹنے کے ضمان کا حکم

استفتاء

اگر ایک گھر کرائے پر ہے اور غلطی سے اس کی کوئی کھڑکی ، بلب وغیرہ ٹوٹ گیا تو یہ نقصان کرائے دار کے ذمے ہوگا یا مالک کے؟

الجواب :بسم اللہ حامداًومصلیاً

شرعی اصولوں کے مطابق کرائے پر لیا گیا مکان اور اس میں موجود اشیاء کرایہ دار کے پاس بطور امانت ہوتی ہیں۔ اگر کوئی چیز (جیسے کھڑکی یا بلب) کرایہ دار کی کسی غفلت، لاپرواہی یا حد سے تجاوز کرنے کی وجہ سے ٹوٹ جائے، تو اس کا ہرجانہ ادا کرنا کرایہ دار کی ذمہ داری ہے۔ تاہم، اگر اس نقصان میں کرایہ دار کی کوئی کوتاہی یا زیادتی شامل نہ ہو اور وہ چیز محض اتفاقاً یا استعمال کے دوران اپنی مدت ختم ہونے (بوسیدہ ہونے) کی وجہ سے ٹوٹ جائے، تو اس کا مالی بوجھ مالک مکان پر ہوگا اور کرایہ دار اس کا ضمان دینے کا پابند نہیں ہوگا۔واللہ اعلم بالصوابدارالافتاءمرکز اہل السنۃ والجماعۃ سرگودھا