انبیاء کرام اور صحابہ کرام پر بنی فلمیں دیکھنے کا حکم

استفتاء

یہ جو آج کل مختلف انبیائے کرام علیہم السلام اور صحابہ کرام رضی اللہ عنہم پر فلمیں بنی ہوئی ہیں جیسے حضرت بلال رضی اللہ عنہ پر انگلش میں ایک بڑی مشہور فلم ہے جو انگریزوں نے بنائی ہوئی ہے اور اس کا ترجمہ بھی مختلف زبانوں اردو، فارسی اور بہت ساری زبانوں میں کیا ہوا ہے۔میرا سوال یہ ہے کہ ان فلموں کو دیکھنا کیسا ہے؟مہربانی فرما کر اس سوال کا جواب عنایت فرمادیں۔ جزاک اللہ خیراً

الجواب :بسم اللہ حامداًومصلیاً

حضرات انبیاء علیہم السلام اور صحابہ کرام رضی اللہ عنہم کی زندگی پر بنائی جانے والی فلمیں دیکھنا قطعاً نا جائز، حرام اور گناہِ کبیرہ ہے۔ تمام مسلمانوں کو ایسا مواد دیکھنے سے احتراز کرنا لازم ہے۔ نیز تمام مسلمانوں پر لازم ہے کہ حتی المقدور اس کے خلاف آواز اٹھائیں اور اس کو روکنے میں اپنا کردار ادا کریں۔واللہ اعلم بالصوابدارالافتاءمرکز اہل السنۃ والجماعۃ سرگودھا