تراویح پڑھانے کے لیے امام کا بالغ ہونا ضروری ہے؟

استفتاء

کتنی عمر کا بچہ تراویح پڑھا سکتا ہے؟

الجواب :بسم اللہ حامداًومصلیاً

اگر مقتدی بالغ ہوں تو نماز فرض ، تراویح اور وتر میں امام کا بالغ ہونا ضروری ہے۔ اگر کسی نابالغ امام نے نماز پڑھائی تو اس کی اقتداء میں بالغ مقتدیوں کی نماز ادا نہیں ہو گی۔اگر لڑکا بالغ ہو تو امامت کروا سکتا ہے۔ لڑکے میں بلوغ کی علامت احتلام ہے۔ اگر علامتِ بلوغ ظاہر نہ ہو تو چاند کے اعتبار سے جب پندرہ سال مکمل ہو جائیں تو یہ بالغ سمجھا جائے گا۔واللہ اعلم بالصوابدارالافتاءمرکز اہل السنۃ والجماعۃ سرگودھا