مکان کی تعمیر کے لیے جمع شدہ رقم پر زکوٰۃ کا حکم

استفتاء

ایک آدمی نے مکان کی تعمیر کے لیے دو لاکھ روپیہ جمع کیا ہے، اس رقم پر سال گزر گیا ہے، اس پر زکوٰۃ فرض ہو گی یا نہیں؟

الجواب :بسم اللہ حامداًومصلیاً

جی ! اس رقم پر زکوٰۃ فرض ہے۔ یاد رکھیں کہ مکان کی تعمیر کے علاوہ رقم کسی بھی مقصد کے لیے نصاب کے برابر یا اس سے زائد جمع ہو اور سال پورا ہو جائے تو زکوٰۃ فرض ہو گی۔واللہ اعلم بالصوابدارالافتاءمرکز اہل السنۃ والجماعۃ سرگودھا