کیا انبیاء کرام علیہم السلام کو احتلام ہوتا تھا؟

استفتاء

دریافت یہ کرنا ہے کہ انبیاء کرام علیہم السلام کو عام انسانوں کی طرح احتلام ہوتا تھا یا نہیں؟ اگرنہیں ہوتا تھا تو اس کی وجہ کیا تھی؟

الجواب :بسم اللہ حامداًومصلیاً

انبیاء کرام علیہم السلام کو احتلام نہیں ہوتا تھا، حضرت عبد اللہ بن عباس رضی اللہ عنہما (ت:68ھ) فرماتے ہیں :” مَا احْتَلَمَ نَبِيٌّ قَطُّ ، إِنَّمَا الاحْتِلامُ مِنَ الشَّيْطَانِ”(المعجم الاوسط للامام ابی القاسم سليمان بن أحمد الطبراني، ت:360ھ ، حدیث نمبر:8062)ترجمہ:کسی نبی کو کبھی احتلام نہیں ہوا کیوں کہ احتلام شیطان کے اثرات کی وجہ سے ہوتا ہے۔واللہ اعلم بالصوابدارالافتاءمرکز اہل السنۃ والجماعۃ سرگودھا