فرض کی آخری رکعتوں میں فاتحہ کے بعد سورت پڑھنے کا حکم

استفتاء

اگر فرض نماز کی تیسری یا چوتھی رکعت میں سورۃ فاتحہ کے ساتھ بھول کر کوئی اور سورت ملا لی ہو تو اس صورت میں نماز ہوجائے گی ؟

الجواب :بسم اللہ حامداًومصلیاً

فرض نماز کی تیسری یا چوتھی رکعت میں سورۃ فاتحہ کے بعد کوئی اور سورت نہ پڑھنا سنت ہے ، اگر کسی نے پڑھ لی تو یہ عمل سنت کے خلاف ہو گا مگر اس کی وجہ سے سجدہ سہو واجب نہ ہو گا ، نماز درست ہو جائے گی ۔واللہ اعلم بالصوابدارالافتاءمرکز اہل السنۃ والجماعۃ سرگودھا