سجدہ سہو نہ کرنے کی صورت میں نماز کا حکم

استفتاء

ایک مسئلہ درپیش ہے وہ یہ کہ ایک بندے نے نماز پڑھی اور اس میں اس نے پہلی رکعت میں ایک سجدہ کیا اور دوسری رکعت میں اس کو یاد آیا کے پہلی رکعت میں ایک سجدہ کیا تھا تو اس نے دوسری رکعت میں تین سجدے کردیے ، کیا اس کی نماز ہوگئی جب کہ سجدہ سہو کرنا بھی اسے یاد نہیں رہا تھا۔ راہنمائی فرمائیں۔

الجواب :بسم اللہ حامداًومصلیاً

نماز میں سجدہ سہو واجب ہو اور ادا کرنا یاد نہ رہے توجب تک اس نماز کا وقت باقی رہے اس کے اندر اس نماز کا اِعادہ کرنا واجب ہے، اور وقت گزرنے کے بعد دوبارہ پڑھنا واجب تو نہیں لیکن مستحب ہے، اس لیے بہتر یہ ہے کہ اعادہ کر لیا جائے تاکہ نماز بغیر کمی کے کامل طریقے سے ادا ہو جائے۔واللہ اعلم بالصوابدارالافتاءمرکز اہل السنۃ والجماعۃ سرگودھا