پہلی طلاق کے بعد دوسری اور تیسری طلاق کا وقوع

استفتاء

جب پہلی طلاق دے دی جائے تو پاکی کے ایام آنے کے بعد دوسری طلاق خود بخود واقع ہو جائے گی یا اس وقت دوسری طلاق ہو گی جب آدمی منہ سے دے .اسی طرح تيسری طلاق کی بھی وضاحت کر ديں۔

الجواب :بسم اللہ حامداًومصلیاً

ایک طلاق کے بعد عدت (تین ماہواری اور ماہواری نہ انے کی صورت میں تین ماہ پورے ہونے تک) کے اندر قولاً یا فعلاً رجوع کر لیا جائے تو نکاح باقی رہتا ہے،رجوع نہ کیا جائے تو پہلا نکاح ٹوٹ جاتا ہے اور عورت نکاح سے نکل جاتی ہے۔دوبارہ ساتھ رہنے کے لیے نیا نکاح کرنا ضروری ہوتا ہے تاہم ایک طلاق کے بعد دوسری یا تیسری طلاق عدت کے اندر یا عدت کے بعد خود بخود واقع نہیں ہوگی جب تک شوہر زبانی یا تحریری طلاق نہ دے۔واللہ اعلم بالصوابدارالافتاءمرکز اہل السنۃ والجماعۃ سرگودھا