نومولود کے کان میں اذان واقامت کہنے کا طریقہ

استفتاء

نو مولود کے کان میں اذان واقامت کہنے کا کیا طریقہ ہے؟ تفصیل سے آگاہ فرمائیں۔

الجواب :بسم اللہ حامداًومصلیاً

نو مولود کے کان میں اذان واقامت کہنے کے لیے یہ کام کیے جائیں:

1:      بچے کی پیدائش کے بعد اسے نہلا دھلا کر پاک صاف کپڑے پہنا  دیے جائیں۔

2:      جس شخص نے بچے کے  کان میں اذان و اقامت کہنی ہے اسے چاہیے کہ بچے کو ہاتھوں میں اٹھا لے اور قبلہ رخ  کھڑا ہو جائے۔

3:      اذان و اقامت کا طریقہ یہ ہے کہ پہلے بچے کے دائیں کان میں اذان کہے اور پھر بائیں کان میں اقامت۔

4:      ”حی علی الصلوٰۃ“ اور ”حی علی الفلاح“ کہتے وقت گردن کو دائیں اور بائیں جانب گھما لے۔

5:      آواز بہت زیادہ بلند نہ کرے بلکہ اتنی ہو کہ بچے کے کان میں پہنچ جائے۔