نظر بد سے بچنے کی دعا

استفتاء

امید ہے کہ مزاج عالی بخیر ہوں گے ان شاء اللہ

عرض خدمت ہے کہ میرے دونوں بچے ما شاء اللہ بہت خوبصورت ہیں۔ اس وجہ سے ان کو نظر ِبد بہت جلد لگ جاتی ہے جس کی وجہ سے بہت پریشانی ہوتی ہے  ۔ بچوں کی حفاظت اور نظر بد دور کرنے کے لئے کوئی دعا بتا دیں ۔ عین نوازش ہو گی ۔

الجواب :بسم اللہ حامداًومصلیاً

آیۃ الکرسی، معوذتین (قل اعوذ برب الفلق، قل اعوذ برب الناس) اور یہ دعا پڑھ کر بچوں پر دم کر دیا کریں:

أَعُوْذُ بِكَلِمَاتِ اللّهِ التَّامَّةِ مِنْ كُلِّ شَيْطَانٍ وَهَامَّةٍ وَمِنْ كُلِّ عَيْنٍ لَامَّةٍ.

حدیث مبارک میں ہے کہ آپ صلی اللہ علیہ وسلم  اس دعا کو پڑھ کر حضرت  حسن اور حضرت حسین رضی اللہ عنہما پر دم کر دیا کرتے تھے۔ (صحیح البخاری: رقم الحدیث 3371)