کورونا ویکسین لگانے سے روزے کا حکم

استفتاء

کیا  روزے کی حالت میں ‏کورونا ویکسین  لگوا سکتے ہیں؟

الجواب :بسم اللہ حامداًومصلیاً

جی ہاں! روزے کی حالت میں ‏کورونا ویکسین  لگوا سکتے ہیں، اس سے روزے پر کوئی فرق نہیں پڑے گا۔ وجہ یہ ہے کہ  روزہ اس وقت ٹوٹتا ہے جب کوئی غذا یا دوا جسم کے مَنْفَذ اصلی (یعنی جسم کے وہ راستے جن  کے ذریعے کوئی چیز براہِ راست جسم میں داخل ہو جیسے منہ، ناک، مقعد وغیرہ) کے ذریعے جسم میں داخل ہو جبکہ‏کورونا ویکسین   انجکشن کے ذریعے لگائی جاتی ہے اور انجکشن کے ذریعے جو دوائی جسم میں داخل ہوتی ہے وہ  منفذِ اصلی کے ذریعے جسم میں داخل نہیں ہوتی بلکہ رگوں اور گوشت کے ذریعے داخل ہوتی ہے ۔ اس لیے اس سے روزہ نہیں ٹوٹتا۔

فتاویٰ عالمگیری میں ہے:

وَمَا يَدْخُلُ مِنْ مَسَامِّ الْبَدَنِ مِنَ الدُّهْنِ لَا يُفْطِرُ.

                 ( فتاویٰ عالمگیری: ج1 ص203 الباب الرابع فيما يفسد وما لا يفسد  )

ترجمہ:  جو چیز مسامات کے ذریعے جسم میں داخل ہوتو اس سے روزہ نہیں ٹوٹتا جیسے تیل ۔