افطاری کے اعلان کے ساتھ دعائیں پڑھنے حکم

استفتاء

افطار کے وقت اعلان کرنے کے ساتھ ساتھ افطار کی دعا پڑھنا کیسا ہے؟

الجواب :بسم اللہ حامداًومصلیاً

افطاری کا اعلان کیا جائے  لیکن بلند آواز میں افطاری کی دعاؤں کو نہ پڑھا جائے۔ ہاں  ساتھ ساتھ ایک آدھ کھجور کھا کر یا گھونٹ بھر پانی پی کر اپنی افطار بھی کی جائے اور اس کے ساتھ آہستہ آواز میں ان دعاؤں کو پڑھا جائے تو درست ہو گا۔ ان دعاؤں کو افطاری کے اعلان کے ساتھ ہی بلند آواز سے پڑھنے سے ان کے بطورِ اعلان پڑھے جانے کا شائبہ ہے اس لیے بلند آواز سے پڑھنے سے احتراز کرنا چاہے۔