بیوی کی بہن سے پردہ کرنا

استفتاء

عرض یہ ہے کہ کیا اپنی بیوی کی بہن سے پردہ جائز ہے یا نہیں اور ایک مرد کیلئے اپنے بیوی کی بہن محرم بن جاتی ہے یا نہیں؟

الجواب :بسم اللہ حامداًومصلیاً

جب تک بہن نکاح میں ہے اس وقت تک سالی سے نکاح حرام ہے، مگر چونکہ سالی سے ہمیشہ کے لیے نکاح حرام نہیں ہے اس لیے وہ اجنبیہ کی طرح ہےاوراس سے پردہ واجب ہے۔ وقتی طور پر نکاح حرام ہونے سے پردے کا حکم ختم نہیں ہوتا۔لہٰذا اس سے ہنسی مذاق کرنا، تنہائی میں ساتھ رہنا اور بے پردہ سامنے آنا جائز نہیں ہے۔
واللہ اعلم بالصواب
دارالافتاء
مرکز اہل السنۃ والجماعۃ سرگودھا