گھر میں خواتین کا تراویح کی جماعت میں شامل ہونا

استفتاء

ہمارا ایک بھائی قرآن کا حافظ ہے جو ہمیں گھر میں تراویح پڑھاتا ہے۔ کیا ہماری پچھلی صف میں ہمارے گھر کی عورتیں نماز پڑھ  سکتی ہیں؟

الجواب :بسم اللہ حامداًومصلیاً

جی ہاں پڑھ سکتی ہیں لیکن   اس بارے میں چند باتوں کا خیال کرنا ضروری ہے:

1:      امام اور وہ مرد جنہوں نے گھر میں تراویح پڑھنی ہے اپنے فرائض مسجد میں پڑھیں۔ خواتین اپنے فرائض گھر میں اکیلے پڑھ لیا کریں۔

2:      امام کے پیچھے مردوں کی صف بنے گی، اس کے بعد عورتیں اپنی صف بنائیں۔ اگر عورتوں میں کچھ ایسی بھی ہوں جو مردوں کی نامحرم ہیں تو مردوں اور عورتوں کی صف کے درمیان پردہ لٹکایا جائے۔

3:      امام تراویح پڑھاتے ہوئے عورتوں کی امامت کرنے کی نیت بھی کرے۔