حضرت عثمان رضی اللہ عنہ کی تاریخ ِ شہادت

استفتاء

ہم  آج تک یہی سنتے آرہے ہیں کہ حضرت عثمانِ غنی رضی اللہ عنہ کا یومِ شہادت18ذی الحج ہے ابھی کچھ لوگوں سے سنا کہ آپ رضی اللہ عنہ کا یوم شہادت 18ذی الحج  نہیں بلکہ 12 ذی الحج ہے اور اٹھارہ ذی الحج  کا قول صرف  امام طبری رحمہ اللہ کا ہے

الجواب :بسم اللہ حامداًومصلیاً

اسلاف  کی ایک  بہت بڑی تعداد نے حضرت عثمان غنی رضی اللہ عنہ کی شہادت کی تاریخ 18 ذی الحج 35سن  ہجری لکھی ہے ،چند حوالہ جات ملاحظہ فرمائیں ۔

1. امام ابو عبدالله محمد بن سعد بن منيع رحمہ اللہ  ت230ھ نے آپ رضی اللہ عنہ کی شہادت کی تاریخ 18ذی الحج لکھی ہے ۔

الطبقات الکبری ذکر قتل عثمان

2. مشہور محدث امام ابو عمر یوسف بن عبد اللہ المعروف ابن عبد البر مالکی رحمہ اللہ ت 463ھ نے حضرت عثمان رضی اللہ عنہ کی شہادت سے متعلق  پہلا قول ہی  18ذی الحج کا نقل کیا ہے۔

الاستیعاب فی معرفۃ الاصحاب ترجمہ عثمان بن عفان

3. مشہور مورخ حافظ ابو القاسم علی بن ابو محمد المعروف ابن عساکر رحمہ اللہ ت 571ھ نے آپ رضی اللہ عنہ کی شہادت کی تاریخ 18ذی الحج لکھی ہے ۔

تاریخ دمشق  تذکرہ عثمان بن عفان

4. مشہور مورخ امام عز الدین ابو الحسن علی بن محمد المعروف ابن اثیر جزری رحمہ اللہ ت 630ھ نے حضرت عثمان رضی اللہ عنہ کی شہادت سے متعلق  پہلا قول ہی  18ذی الحج کا نقل کیا ہے۔

اسدا لغابۃ فی معرفۃ الصحابۃ : ترجمہ عثمان بن عفان

5. امام شمس الدین محمد بن احمد بن عثمان  ذہبی رحمہ اللہ  ت 748ھ نے آپ رضی اللہ عنہ کی شہادت کی تاریخ 18ذی الحج لکھی ہے ۔

تذکرۃ الحفاظ ترجمہ امیر المومنین عثمان بن عفان

6. شارح بخاری امام احمد بن علی المعروف حافظ  ابن حجر عسقلانی رحمہ اللہ ت 852ھ  نے ایک قول 18 ذی الحج کا نقل کیا ہے ۔