حضرت عثمان رضی اللہ عنہ سے بغض رکھنے والے شخص کا نام جس کا جنازہ آپ علیہ السلام نے نہیں پڑھایا تھا

استفتاء

جامع ترمذی کی ایک روایت کے مطابق حضور صلی اللہ علیہ وسلم نے ایک شخص کا جنازہ  پڑھنے سےانکار کردیا تھا اور وجہ یہ ذکر فرمائی کہ یہ حضرت عثمان رضی اللہ عنہ سے بغض رکھتا تھا

پوچھنا یہ ہے کہ یہ شخص کون تھا یعنی اس کا نام کیا تھا؟ اور آیا یہ کہ صحابی تھے یا منافق؟

الجواب :بسم اللہ حامداًومصلیاً

1:      بسیار تلاش کے باوجود بھی  اس کا نام نہیں مل سکا۔

2:      اس کے صحابی ہونے کی تصریح نہیں ملتی.

البتہ ظاہر حدیث سے راجح بات یہی معلوم ہوتی  ہے کہ یہ شخص منافق ہی ہو گا اور رسول اللہ صلی اللہ علیہ وسلم نے جنازہ نہ پڑھا کر اس کے نفاق (بصورت بغض عثمان رضی اللہ عنہ) کو ذکر فرمایا تاکہ یہ واضح ہو جائے کہ صحابہ سے بغض رکھنے والا اس قابل نہیں کہ اس کے لیے نبی صلی اللہ علیہ وسلم دعائے مغفرت کرے۔