زکوٰۃ کی رقم بیٹے یا بیٹی کو دینا جائز نہیں

استفتاء

اگر ایک بیٹی کی شادی کے لئے پیسے رکھے ہوئے ہوں  اور وہ رقم پانچ سے چھ لاکھ ہوگئی ہو تو ان  کی زکوٰۃ  کی رقم نکال کر کسی  شادی شدہ بیٹی یا بیٹے کو دے سکتے ہیں ؟

الجواب :بسم اللہ حامداًومصلیاً

زکوٰۃ کی رقم اپنی اولاد کو دینا جائز نہیں ہے چاہے وہ شادی شدہ ہوں یا غیر شادی شدہ۔

علامہ علاء الدین ابو بكر بن مسعود بن احمد الکاسانی الحنفی (ت587ھ) لکھتے ہیں:

ويجوز دفع الزكاة إلى من سوى الوالدين والمولودين من الأقارب.

                                            (بدائع الصنائع للکاسانی: ج2 ص 50)

ترجمہ:اپنے والدین اور اپنی اولاد کے علاوہ دیگر رشتہ داروں کو زکوٰۃ دینا جائز ہے۔